Sunday, October 3, 2021

स्वागतगीत

उद्याच्या स्वागत समारोहासाठी
नवनिर्मित स्वागतगीत

संजीवन स्नेहाने स्वागत करूया स्नेहभरे
स्वागतम सुस्वागतम सुस्वागत हर्षभरे

शुभ दिन जणू हा आज उदेला
सुजन आगमित शुभ्र प्रभेला
स्वागत करूया आज तयांचे जणू आनंदभरे

अर्जित करूया ज्ञानप्रकाशा
विलुप्त होवो सर्व निराशा
सुफळ साधना करुनी विदजन नभांगणी विचरे

2 ऑक्टोबर 2021
*©मंगेश पैंजणे*
संगीत शिक्षक
*संजीवन, पन्हाळा*

Saturday, October 13, 2018

कॅम्पेनिंग ऑफ मी टू

"मी टू" मे कूद पडा अब तो
है बबर शेर यूं सही सही,
चड्डी पकडे कहीं भाग न जाये
गब्बर सिंग की खैर नही

हाँ बीच रोड शो के मैं देखूँ
मुझमें है बातें कईं सही,
मुझको सहते हैं पार्टी के
दिगग्ज नेता ये यूहीं नही

हैं मुझे भूलने की आदत
घटनाएं ये सब कब थी घटी
जब लगे पता अपने काल मे
आँखे रह जाएं फटी फटी

आ के टपके ना कहीं कोई
महिला "मी टू" "मी टू" कहते,
हाँ वहीं थी मैं जब बबर शेर
महिला यूरीनल हो आये थे

नवरात्र ही सजली, रूपे अंबेची शोभली

नवरूपे नवरंगे नवरात्र ही सजली
नवरात्र ही सजली, रूपे अंबेची शोभली ।।धृ।।
निळ्या घोड्यावर बैसे,
पिवळा पितांबर कसे,
हिरवी चोळी अंगी विलसे,
रंगी रंगली, नवरात्र सजली ।।१।।
जांभळा चुडा हाती शोभे,
केशरी तांबूल मुखात साजे,
गुलाबी लाली गाली विलसे,
रूपे नटली, नवरात्र सजली ।।२।।
मयूरपंखासम फुलोरा,
साजतो शुभ्र शिरी गजरा,
नवरंगाचा गाभारा,
चमके बीजली, नवरात्र सजली ।।३।।

रचना :- चारुशीला पैंजणे

अंबामातेच्या वस्त्रांच्या रंग संगती चा अनव्यार्थ

वसने विभिन्न रंगांची ती
का करिते परिधान माऊली
आज पाहूया काव्यरूपातून
कशी प्रगटे जगदंब माऊली
निळा रंग दे शांती मनाला
पिवळा उल्हासित चित्ताला
हिरवा करि समृद्ध जीवना
समरस करी जांभळा भवाला
त्याग केशरी मनास शिकवी
शीत पांढरा शांती देई
लाल पाहता स्फुरण चढे ते
मोरपंखी आल्हादित सकला
रंग गुलाबी देई तरुणपण
कारज पूर्ण त्वरित करण्याला
अशी नवरूपे नवरंगातील
आशिष देती सदा भक्ताला
©मंगेश पैंजणे
दि. 12 ऑक्टोबर 2018
सहकार्य :- रुपाली सूर्यवंशी, कोल्हापूर

Friday, October 12, 2018

शाबूवडा

नवरात्रीच्या पाककृतीचा
खरेच राजा असे फुलोरा,
एक वेळचा उपास असतो
शाबू-वड्याचा स्वाद खरा

आलूसह भिजलेला शाबू
शेंगादाण्या सह निघतो,
तेलामध्ये तळून निघता
सुंदर कुरकुरीत बनतो

घरच्या सुगरण हाताची चव
संगे घेवुन येता तो,
हरपून देह भान सारे
वाह वा करीत खातो तो

आली आली ग भवानी, आली तुळजाभवानी

आली आली ग भवानी, आली तुळजाभवानी
सारे मुखाने गजर करू,
पूजा करून आईची, ओटी भरून खणाची,
चला उदो उदोकार करू ।।

सिंहवरी तू बैसून, अष्टआयुधे घेऊन,
दुष्टांचे निर्दालन, करी भक्तांचे रक्षण,
आली धावतची आली, करी कृपेची साऊली,
भक्तासाठी ही कल्पतरू
पूजा करून आईची, ओटी भरून खणाची,
चला उदो उदोकार करू ।।

राष्ट्राचे संरक्षण, करण्या झाली प्रसन्न,
शिवरायासी वरदान, दिली तलवार भवानीनं,
साधुसंतांना पावली, अशी माय माऊली,
चला भक्ती तिची करू
पूजा करून आईची, ओटी भरून खणाची,
चला उदो उदोकार करू ।।

रचना :- चारुशीला पैंजणे

नवरूपे तू धारण करूनी भक्ता तोषविसी

आश्विनात नवरात्र पर्वणी घेऊनिया येसी
नवरूपे तू धारण करूनी भक्ता तोषविसी ।।
।। जय अंबे, जगदंबे ।।

आदिशक्ती तू अंबाबाई, महालक्ष्मी ती तुळजमाई,
पंढरीस राय रखुमाई, तूच खरी येमाई ।।
।। जय अंबे, जगदंबे ।।

तूच कालिका तूच रेणुका, तू सर्वांची देवी अंबिका,
तूच चण्डिका हिंगुलांबीका, तू सर्वांची आई ।।
।। जय अंबे, जगदंबे ।।

रचना :- चारुशीला पैंजणे
दि. 11 ऑक्टोबर 2018
पन्हाळा, कोल्हापूर